ပလောင်တမျိုးသားလုံး လွတ်မြောက်ရန်အတွက် လက်နက်စွဲကိုင်ပြီး စစ်အာဏာရှင်ကို စတင်တွန်းလှန်တိုက်ခိုက်လာခဲ့ကြသည်မှာ ၄၈ နှစ် ပြည့်ခဲ့ပြီဖြစ်သည်။ အဖိနှိပ်ခံဘ၀မှလွတ်မြောက်ရေး၊ တန်းတူညီမျှရေး၊ အမျိုးသားကိုယ်ပိုင်ပြဌာန်းခွင့်ရရှိရေး၊ လူ့အခွင့်အရေးနှင့် ဒီမိုကရေစီရရှိရေးအတွက် ပလောင်တမျိုးသားလုံးတို့ ရည်မှန်းချက်ပန်းတိုင်သို့မရောက်မချင်း တော်လှန်ရေးသစ္စာဖြင့် စည်းလုံးညီညွတ်စွာ ဆက်လက်တိုက်ပွဲဝင်ရန် နှိုးဆော်တပ်လှန့်လိုက်သော ပလောင်အမျိုးသားတို့၏ နေ့ထူးနေ့မြတ်ဖြစ်ပါသည်။ ပလောင်အမျိုးသားတို့၏ အမျိုးသားတော်လှန်ရေးခရီး ၄၈ နှစ်တာ ကာလအတွင်း အသက်သွေးချွေး၊ အိုးအိမ်စည်းစိမ်များစွာကို ပေးဆပ်ရင်းနှီး လှူဒါန်းခဲ့ကြသော မျိုးချစ်ပလောင်ပြည်သူလူထုနှင့် ပလောင်အာဇာနည်ခေါင်းဆောင်များ၊ ရဲဘော်ရဲမေအား ပလောင်ပြည်နယ် လွတ်မြောက်ရေးတပ်ဦးမှ ဦးညွတ်ဂုဏ်ပြုမှတ်တမ်းတင်အပ်ပါသည်။
အမျိုးသားလွတ်မြောက်ရေး ၄၈ နှစ်တာကာလအတွင်း အခက်အခဲ အကျပ်အတည်းပေါင်းစုံရင်ဆိုင်ခဲ့ကြရပြီး၊ အောင်မြင်မှု၊ ရှူံးနိမ့်မှု မျိုးစုံနှင့်တွေ့ကြုံခဲ့ကြရပါသည်။ ဘုံရန်သူ စစ်အုပ်စု၏ ကောက်ကျစ်သည့် ပရိယာယ်သွေးခွဲမှုများ၊ မိမိတို့၏ အားနည်းချက်များကြောင့် တော်လှန်ရေး အရှိန်နိမ့်ကျခဲ့ရပါသည်။ ထိုကဲ့သို့သော မှားယွင်းမှုဒါဏ်ကို ပလောင်ပြည်သူလူထုတို့ ဆိုးရွားစွာခံစားနေကြရပါသည်။ မိမိတို့၏ လက်ရှိ
အခြေအနေကို မှန်မှန်ကန်ကန်သုံးသပ်ပြီး တော်လှန်ရေးရည်မှန်းချက်ပန်းတိုင်ဆီသို့ ဦးတည်ဆောင်ရွက်ရန် အလွန်အရေးကြီးသော ကာလ ဖြစ်ပါသည်။
ပလောင်ပြည်နယ်လွတ်မြောက်ရေးတပ်ဦး အနေဖြင့် စစ်အုပ်စု၏ ၂၀၀၈ ဖွဲ့စည်းပုံနှင့် ၂၀၁၀ ရွေးကောက်ပွဲရလာဒ်ကို အကောင် အထည်ဖော်မည့် နိုင်ငံရေးဖြစ်စဉ်များအားလုံးကို လုံးဝ လက်ခံမည်မဟုတ်ဘဲ ဆန့်ကျင်ကန့်ကွက်တိုက်ဖျက်သွားမည်ဖြစ်သည်။ မကြာမှီ အချိန်
တွင် ခေါ်ယူဖွဲ့စည်းမည့် ပါလီမန်လွှတ်တော်နှင့်အစိုးရသည် ဟန်ပြအတုအယောင်သာဖြစ်ပြီး ပြည်သူလူထု၏အကျိုးကို အမှန်တကယ် ကာကွယ် ဆောင်ရွက်နိုင်ခြင်း ရှိလိမ့်မည်မဟုတ်ပေ။
ထို အတုယောင်နိုင်ငံရေးပြောင်းလဲမှုဖြစ်စဉ်တွင် ပါဝင်နေသည့် တအာင်း(ပလောင်)အမျိုးသားပါတီ အနေဖြင့် ပလောင်ပြည်သူလူထု အကျိုးစီးပွားကို ရည်မှန်းထားသည့်အတိုင်းဆောင်ရွက်ပိုင်ခွင့်ကို စစ်အုပ်စုက မည်သည့်အချိန်မှ ခွင့်ပြုသဘောတူလိမ့်မည်မဟုတ်ပေ။ ထိုကြောင့် အတိဒုက္ခရောက်နေသော ပလောင်မိဘပြည်သူများ၏ ဘ၀ကိုစာနာပြီး ပလောင်အမျိုးသားလွတ်မြောက်ရေးအတွက် ခုခံကာကွယ် ဆောင်ရွက် ရန် အလေးအနက်ပန်ကြားအပ်ပါသည်။ တိုင်းရင်းသားလက်နက်ကိုင်တပ်ဖွဲ့များအနေဖြင့် နိုင်ငံရေးပြဿနာကို ငြိမ်းချမ်းစွာတွေ့ဆုံဖြေရှင်းရန် ကြိုးပမ်းသော်လည်း၊ စစ်အုပ်စု က တဘက်သတ်အင်အားသုံးအကျပ်ကိုင်နေခြင်းကြောင့် နှစ်ဘက်တင်းမာမှု ပိုမိုကြီးမားလာခဲ့ရသည်။ တိုင်းရင်းသားလက်နက်ကိုင်တပ်ဖွဲ့များ အနေဖြင့် စစ်အုပ်စုအား တဖွဲ့ချင်းထိပ်တိုက်ရင်ဆိုင်သည်ထက် စုပေါင်းအားဖြင့် လုပ်ဆောင်မှသာလျှင် အောင်ပွဲခံနိုင်မည်ဖြစ်သည်။ တပ်ဦး
အနေဖြင့်လည်း အားလုံးနှင့်လက်တွဲကာ ဘုံရန်သူစစ်အုပ်စုအား နိုင်ငံရေး၊ စစ်ရေးအရ ၀ိုင်းဝန်းချေမှုန်း ဖိအားပေးသွားမည်ဖြစ်သည်။ ထိုအတူ အမျိုးသားဒီမိုကရေစီအဖွဲ့ချုပ်နှင့် တိုင်းရင်းသားနိုင်ငံရေးပါတီများ ဦးဆောင်ကြိုးပမ်းနေသည့် ဒုတိယပင်လုံညီလာခံ (၀ါ) ၂၁ ရာစု ပင်လုံညီလာခံ ပေါ်ပေါက်ရေးသည် အားလုံးပါဝင်နိုင်သည့် နိုင်ငံရေးဆုံချက်နှင့် အမျိုးသားပြန်လည်သင့်မြတ်ရေးလမ်းကြောင်းကို ဦးတည်
သော လုပ်ငန်းစဉ်အဖြစ် မိမိတို့ တပ်ဦးမှ ထောက်ခံဝန်းရံသွားမည်ဖြစ်သည်။
နိဂုံးချုပ်အနေဖြင့် ပလောင်ပြည်သူလူထုတရပ်လုံး အဖိနှိပ်ခံဘ၀မှလွတ်မြောက်ရန်အတွက် ရည်မှန်းချက်ပန်းတိုင် မရောက်မချင်း နည်းလမ်းပေါင်းစုံဖြင့် ဆက်လက်တိုက်ပွဲဝင်သွားမည်ဖြစ်ကြောင်း ဤ (၄၈) နှစ်မြောက် တအာင်း (ပလောင်) အမျိုးသားတော်လှန်ရေး နှစ်ပတ်လည်နေ့တွင် အလေးအနက်ကတိပြုရင်း တပ်ဦး၏ သဘောထားကို ထုတ်ပြန်ကြေညာလိုက်ပါသည်။
အာဏာရှင်စနစ် မုချကျဆုံးရမည်။
အမျိုးသားလွတ်မြောက်ရေးနှင့် ဒီမိုကရေစီ တော်လှန်ရေး မုချအောင်မြင်ရမည်။
ပလောင်ပြည်နယ်လွတ်မြောက်ရေးတပ်ဦး (PSLF)
ဇန္န၀ါရီလ၊ ၁၂ ရက်၊ ၂၀၁၁ ခုနှစ်။ ပြာသိုလဆန်း ၈ ရက်၊ ၁၃၇၂ ခုနှစ်။
0 comments:
Post a Comment