ပလောင်ဒေသတွင် ရွေးကောက်ပွဲအတွက် ပြည်သူ့စစ်အတင်းဖွဲ့ပေးခြင်းနှင့် မှတ်ပုံတင်ထုတ်ပေးခြင်းများ ပြုလုပ်နေ

၎ရက်၊ ဧပြီလ၊ ၂၀၁၀ခုနှစ် ရှမ်းပြည်မြောက်ပိုင်း မူဆယ်ခရိုင် နမ့်ခမ်းမြို့ နယ်ရှိ မန်တပ်အခြေစိုက်သော ခလရ ၁၄၄ နှင့်
ရဲများပူးပေါင်း၍ ၂၀၁၀ရွေးကောက်ပွဲအတွက် ပြည်သူ့စစ်လူဦးရေ ပိုမိုများပြားလာရန်အတွက် နမ့်ခမ်းမြို့နယ်ရှိ
စယ်လုံကျေးရွာနှင့် ပန်ကူကျေးရွာရှိ ရွာသူ၊ သားများကို တအိမ်လျှင် လူငယ်တဦး ပြည်သူစစ်အသင်းဝင်ရန်အတွက်
စာရင်းကောက်ခံပြီး ရွာသားများကို စစ်သုံးသော သေနတ်များ စစ်တပ်သုံး စစ်လက်နက်များတပ်ဆင်ပေးထားသည်ဟု
သတင်းရရှိပါသည်။

ရွာသားတဦးပြောပြချက်အရ “သေနတ်ပေးတဲ့အချိန်မှာ နောက်လိုအပ်ရင် သုံးဖို့နဲ့ မိမိလုံခြုံရေးအတွက်နဲ့ ကိုယ့်ကိုယ်ကို
ကာကွယ်ဖို့ဆိုပြီး ပေးသွားတယ်။ မယူလို့လဲမရဘူး။ ပြီးတော့ တအိမ်ကိုတယောက် သေနတ်ယူထားရပါတယ်။”
ဟု့ပြောသည်။

ရွာသားများသည် မိမိဆန္ဒမပါဘဲ ပြည်သူ့စစ်လုပ်ရန် အတင်းအဓမ္မ နာမည်စာရင်းသွင်းခံရခြင်းဖြစ်သည်။ ထို့ပြင်
ပြည်သူ့ဝင်သော သူများကို လစာတစ်လလျှင် ကျပ်ငွေ ၃၀၀၀၀ (သုံးသောင်း)ထောက်ပံ့မည်ဟု သိရရှိရပါသည်။

ထိုနည်းတူစွာဖြင့် ၃၀ရက်နေ့၊ ဧပြီလ၊ ၂၀၁၀ခုနှစ် နမ့်ခမ်းမြို့နယ် နမ့်စိပ်ဘက်မှ မန်စပ်ကျေးရွာကို နမ့်ခမ်းမြို့နယ်တွင်းရှိ
ကြံ့ဖွံ့အသင်းများက ရောက်လာ၍ ရပ်ရွာလူကြီးများနှင့် အစည်းအဝေးပြုလုပ်ပါသည်။ အစည်းအဝေး အကြောင်းအရာ
များပြည်သူ့စစ်အဖွဲ့ဝင်လိုသူများအတွက် ၀င်နိုင်ကြောင်း၊ မှတ်ပုံတင်မရှိသေးသော လူငယ်များကိုလည်း မှတ်ပုံတင်
ကဒ်ပြား ထုတ်ပေးမည်ဟုလည်း ဆွေးနွေးခဲ့ပါသည်။ ဤပုံမှတ်တင်ထုတ်ပေးခြင်းသည် ၂၀၁၀ရွေးကောက်ပွဲအတွက်
အရေးပေါ်ထုတ်ပေးသည်ဟု သိရရှိရပါသည်။

”တကယ်လို့ ပြည်သူ့စစ်အဖွဲ့ဝင်ရင် မှတ်ပုံတင်ကဒ်ပြားထုတ်ပေးမယ်။ အဲဒီမှတ်ပုံတင်ကို ကိုင်ဆောင်တဲ့သူက
မြန်မာနိုင်ငံတခုလုံး ဘယ်နေရာပဲ သွားသွား၊ ဘယ်ဂိတ်ပဲဖြတ်ဖြတ် တာဝန်ခံဂိတ်တွေ မစစ်ဆေးဘဲ ကိုယ်သွားချင်တဲ့
နေရာကို လွတ်လွတ်လပ်လပ်သွားနိုင်“ဟု ဒေသခံတဦးက ပြောခဲ့ပါသည်။ ”မှတ်ပုံတင်မရှိတဲ့ လူတွေကို အရေးပေါ်
ထုတ်ပေးတယ်ဆိုတာ ၂၀၁၀ ရွေးကောက်ပွဲအတွက်ဖြစ်ပါတယ်“ နောက်ဒေသခံတဦးက ပြောပြခဲ့ပါသည်။

ထိုနည်းတူစွာဖြင့် နမ့်ခမ်းမြို့နယ်၊ ပန်ခါးအုပ်စု၊ ဟိုနားကျေးရွာရှိ ကျေးရွာဥက္ကဌများသည် အထက်ကပေးထားသော
အမိန့်နှင့် ၈တန်းအောင်သော ကျောင်းသားများဖြစ်၍ အသက်၂၅နှစ်အောက် လူငယ်များကို ရဲဝန်ထမ်းလုပ်ဆောင်ရန်
အတွက်လိုက်လံစည်းရုံးသည်ဟု သတင်းရရှိပါသည်။ ”ရဲလုပ်ရင် လစာတစ်လကို ၅၀၀၀၀ကျပ်(ငါးသောင်း)ရမယ်တဲ့။
ပြီးတော့ တခြားသော ကြားပေါက်ဝင်ငွေလည်း ရှာတတ်ရင် ရဦးမယ်“ ဟု စည်းရုံးခံရသည့် လူငယ်တစ်ဦးက
ပြောပြခဲ့ပါသည်။

၂၀၁၀ရွေးကောက်ပွဲအတွက် ပြည်သူ့စစ်များ တိုးချဲ့ခြင်း၊ ရဲများလုပ်ဆောင်ရန် စည်းရုံးခြင်း၊ အရေးပေါ်မှတ်ပုံတင်
ပြုလုပ်ပေးခြင်းသည် အမြတ်ရမည်ကို ပြောပြီး မက်လုံသွားသည်ဟု သိရရှိရပါသည်။

ယခင်တွင်လည်း မန်စပ်ကျေးရွာတွင် ဖွဲ့စည်းထားသော ပြည်သူ့စစ်များသည် မန်စပ်ကျေးရွာတွင် ရပ်ရွာလုံခြုံရေး
အတွက် အိမ်တိုင်းကို တစ်လလျှင် ကျပ်ငွေ ၁၅၀၀ (တစ်ထောင်ငါးရာ)ကျပ်ဖြင့် အတင်းအဓမ္မကောက်ခံခဲ့သည်။
ကောက်ခံရရှိသော ပိုက်ဆံကို မည်သည့်နေရာတွင် အသုံးပြုသည်ကို ရွာသူ၊ သားများက သေသေချာချာ
မသိပေ၊ ပြည်သူ့စစ် လုံခြုံရေးအတွက်ဆိုပြီး လုံခြုံရေးကင်းလှည့်တာကိုလည်းမတွေ့ဟု ရွာသာများ၏
ပြောပြချက်အရ သိရရှိရပါသည်။

ပလောင်အမျိုးသမီးအစည်းအရုံး
သတင်းနှင်သုတေသနဌာန
ဆက်သွယ်ရန်-၀၈၂၁၆၄၈၁၁၅