| ရှမ်းပြည်နယ်မြောက်ပိုင်း၊ နမ့်ဆန်မြို့နယ်၊နမ့်လင်းအုပ်စု၊ အထက်မန်ငိုင်းကျေးရွာအတွင်း ၂၀၁၁ခုနှစ်၊ မတ်လ ပထမပတ်တွင် ရွှေအလေးချိန် တန်ပေါင်း(၂) ထောင်လောက် ထွက်မယ်လို့ တရုတ်ပညာရှင်များခန်းမှန်းထား သည့် ရွှေတွင်းတစ်ခုတွေ့ရှိခဲ့သည်။ တရုတ်ကုမ္မဏီတစ်ခုမှဦးဆောင်ပြီး (၂)ရက်နေ့မြောက် တူးဖော်စဉ် နမ့်ဆန်မြို့နယ် ငွန်ဆိုင်းကျေးရွာနေ ပြည်သူ့စစ် ခေါင်းဆောင် ဦးထွန်းမြတ်လေးဦးဆောင်သောအဖွဲ့သည် တရုတ်(၄)ရောက်နှင့်အတူ မန်ငိုင်းကျေးရွာ ဥက္ကဠအပါ လာရောက်ဖမ်းဆီးသွားခဲ့သည်။ “လာတူးတဲ့တရုတ်တွေက (၁၂)ယောက်ရှိတယ်၊ ကျန်တဲ့လူတွေကို ထွက်ပြေးလို့ လွတ်သွားတယ်၊ ထွန်းမြတ်လေးကတော့ သူ့ခွင့်ပြုချက်မရဘဲ တူးတယ်ဆိုပြီးဖမ်းတာ၊ အချုပ်ထဲမှာ တစ်ပတ်လောက်ထည့်ပြီးတရုတ်ကုမ္မဏီက ပိုက်ဆံပေးတော့ပြန်လွတ်ပေးလိုက်တယ်” ဟုရွာသားတစ်ဦးကပြောပြပါသည်။ ဆက်လက်ပြီးသူက ယခုတော့ တရုတ်ကုမ္မဏီက တိုင်းမှူးနဲ့ညိုနှိုင်းပြီး တရားဝင်တူးခွင့်ရလိုက်ပြီ၊ တရုတ်အလုပ်သမား(၂၅) ယောက်နှင့် ပလောင်အလုပ်သမားများရှိပြီး နောက်ထပ်ရောက်လာဖို့ လည်းရှိသေးကြောင်းပြောပြခဲ့ပါသည်။ ထိုနေရာတွင် အသိမ်းခံလိုက်ရသော လက်ဖက်ခြံမှာလည်း အခုချိန်ထိလျော်ကြေးတစ်စုံတရာ ပေးတာမျိုးလည်းမရှိသေးကြောင်း ပြောဆိုသွားပါသည်။ ပြီးခဲ့နှစ်တုန်းကလည်း ပြည်သူ့စစ်ခေါင်းဆောင် ဦးထွန်းမြတ်လေးကိုယ်တိုင်တစ်ခါ၊ မယကဥက္ကဋ္ဌကိုယ်တိုင် တစ်ခါ တရုတ်လောပန်းတွေနဲ့အတူ လာရောက်ကြည့်ရှုပေမယ့် အဲဒီတုန်းက တူးလို့မရသေးဘူးဆိုပြီး ပြောသွားခဲ့သည်။ |
0 comments:
Post a Comment